رواية اوفى الخلق...روايه سعودية... روعه...

ياهلا واللهـ فيكم ..

اليوم ان شاء الله ابنزل اول جزء من اول روآييه لي .. واول كتاباتي ~

وياليت تعذرونا اذا قصرنا بشي .. خبركم اول روآيه لازم الواحد يخربط شوي

{ تعريف بالشخصآت }

.
.


بيت ابو نوآف :

نواف : عمره 25 سنهـ .. حبيب مره ولاعمره حقد على احد ويدرس هندسه معماريه !

يزيد : عمره 22 خفيف دم وحبيب ويدرس طب .. وانواع الفله لاجلست معآه !

ريم : بنت حبيبه عمرها 19 .. تدرس بثآلث ثانوي .. وآيه فالجمال ماشاء الله !

نهى : عمرها 19 هي وريم توأم .. ونفس الشخصيهـ تقريبا ُ

.
.

بيت ابو فهد :

فهد : عمره 24 سنهـ .. فيه شويه عصبيه ورآسهـ يآبس .. بس انه محبوب من الجميع !

وآئل : اخو فهد عمره 23 يدرس طب مع يزيد .. ودآفووور بقوّه !

اروى : اختهم الصغيره .. عمرها 20 تدرس جآمعهـ تخصص علوم جتماعيهـ .. ومملوحه ماشاء الله علليها !

هيفاء : بنت حبيبه وخفيفه دم وخبله !! عمرها 22 !

.
.

بيت ابو سآره :

سآره : عمرها 20 .. مدلعه تدليع عنيف ! بس التدليع ما اثر على شخصيتها الاجتماعه وطيبتها .. وابوها تقريبا يسمح لها بأي شي تبيهـ !

ندى : اخت ساره عمرها 23 سنهـ .. تدرس علم نفس !

.
.

بيت ابو سالم

سآلم : ولدهم الكبير عمره 26 سنه .. نذذذل لابعد درجه ولايحب يشوف الي حوله مبسوطين ابدا !! وهذا طبع في ابوه وامه ! بالعربي عايلتهم كلهم نذاله × نذاله !

سلمى : عمرها 18 اصغر من ريم بسنه .. ونفس طبع اخوها وتكره تروح او تجتمع مع عمانها !

.
.



[1]


{ البآرت الاول ْ~


ابو يزيد يطق على يزيد الباب وهو نآيم !

ابو يزيد : يزيييد .. يزيييد .. قم وانا ابوك ود اهلك لجدتك !

يزيد : اممممم هذاني آخر هجمه واجيك <-- النوم لاعب فيه !

ابو يزيد : قم ياللهـ .. عشاني وانا ابوك اهلك يحترونك تحت !

يزيد : يالله هذاني قمت !

قام ودخل تروش ولبس وقضى واخذ جوآله وبوكه ونزل لاهلهـ ..

يزيد : صبآح الخير !

الكل : اقول اخلص شغل السياره !

يزيد : طيب وجع ورآكم علي !!

شغلوا السياره وركبو ..

فالسياره

يزيد : الا اقول ريوم .. وش اخبار اروى عقب العمليه ؟!

ريم : الحمدلله بخير .. بس يقولون تعبآنه شووي !

يزيد : اهااا .. اسمعي اذا دخلنا ابدخل اسلم عليها أوكي ؟!

ريم : ياسلآلآلآلآم ! لا مافيه !

يزيد : وانا بأشآورك ! ابدخل ولا علي منك !

ريم :: بكيفك سو الي تبي !

.
.

في بيت ابو فهد !


فهد ووآئل قاعدين تحت يحترون اروى تخلص من ساعه وهم ينتظرونها وطفشانين !

نزلت اروى .. اقول عسى ماتاخرت عليكم ؟!

وآئل : لالا ابدا يا اختي العزيزه !

اروى : أشوى !

فهد : اقول امشي لا بالنعله الحين !

راحت اروى وركبت السياره ومشو ..

.
.

وصلو الكككل للبيت الجده !

.
.

عند العيال فالملحق ..

نواف اقول وآئل شغل السوني باللهي ..

وائل قام وشغله .. وبدو يسوون دوري ..

وقعدوا يلعبون بالسوني !

المباراة كانت بين نواف ويزيد ..

يزيد : يقصر عالتلفزيون ويقعد يعلق .. اماميه ويكووورا ختيره <-- يقلد الشوّالي

نواف : اخي العزيز ماودك تسكت ..؟

يزيد : لا اخي الكبير فلسآن حالي يقولها !

نواف : الله يقلع الي علمك لغه عربيه !! شكلك تدرس في عزبه باكستانيه


..[ عند البنات ]..

ساره / بنااااات ! وش افصل لعرس هنا ؟! متردده بقووه !

ريم : تعالي انا اساعدك ماعليك ..

وراحو ريم وساره وقعدو يناظرون المجلات ويطلعون موديلات وكذا ..

اروى قامت تشغل اغاني مصريه وترقص .. ونهى قاعده عند فلم هندي !

المهم يوم طلعو ساره وريم موديل حلووو .. وروه البنات والحريم عجبهم .. خمت ساره ريم ..

ساره : يختي ابتس احبتس

ريم : تراك خنقتيني ! حبيني بس بشويش

رن جوآل ساره ..

سآره : هلا ؟

الجد : هلا فيك ..

ساره : هلا جدي اخبارك ؟

الجد : بخير الحمدلله وانتي ؟

ساره : انا بخير دامك بخير ..

الجد : ساره تعالوالي فالصالهـ انتي والبنات !


.
.

جوال يزيد يرن !

يزيد : هلا جدي الحبيب !

الجد : هلا بك .. اسمع تعالوا لي للصالهـ الحين انت والعيال !

يزيد : جاك ماطلبت ثواني وحنا عندك !

يزيد : ياشباب .. جدي يبينا جوا يقول تعالوا !

قاموا بيدخلون جوا !


.
.

فالصاله

دخلوا العيال وهم مبققين عيونهم !! وشلون جدهم يجمعهم هم والبنات مع بعض !!

وقعدوا عالكنبات وبدا الجد يتكلم :

اسمعوا ياعيالي ويابناتي .. ويانواف ركز معي وخل عيونك عندي ويكفي مناظر في ساره ! .. الاسبوع الجاي بتبدا الاختبارات ان شاء الله .. وبيبدا الشغل الصاحي وبتبدا المذاركه السنعه وانا ابوكم .. عشان كذا انا ابعرض عليكم عرض تبون تاخذونه ولا ردوه ..

الكل : وش العرض ياجدّي ؟

الجد : اذا جبتوا نسب زينه وتبيض الوجه .. شرط ان تعطلون عطله ماعمركم عطلتوها بحياتكم !! هاه وش قلتوا ؟!


كلهم : اكيد موافقين !

الجد : يالله روحو كملوا هبالكم !

قبل مايطلعون

يزيد : ريم ريم ..

ريم : نعم

يزيد : نادي اروى باسلم عليها

ريم : طيب

جت اروح وهي متغطيه

يزيد : هلا اروى .. ابارك عقب العمليه ؟!

اروى : الحمدلله ولله اخبارك انت ؟

يزيد : انا بخير والله .. بس جبينا نسلم عليك عقب العمليه .. الحمدلله على سلامتك !

اروى : الله يسلمك ..

يزيد : مع السلامه ..

اروى : مع السلآمه ودخلت جوا بتمسك ريم الي لعبت عليها وقالت لها ان جدي يبيك برا

دخلت وقالت ريييييييييييم .. وتمعط شوشتها ويقعدون يتطاقون بالمخدات !

.
.

رجعو البنات الغرفه والعيال راحو الملحق ..

عند العيال ..

يزيد : اقول ..

العيال : قل ..

يزيد : وش رايكم ايام الاحتبارات نذاكر سوا مهوب ازين من القعده كل واحد صاك على نفسه ؟!

العيال / ياسلآلآلآلآلآلآلآلآلآلآم عليك ياشيخ ..

وائل : طيب لازم نبلغ اهلنا ..

يزيد : يالله مشينا الحين دامهم مجتمعين !

راحوا لهم وقالو لهم كل شي وكانت ندى موجوده عند الحريم وسمعت الكلام !

وافقوا الاهل بس هددوهم اذا قاموا يتهبلون وماجابوا نتايج زي الناس بيشوفون شي ثاني

واليوم فالليل بيقولون المكان الي بيجتمعون فيه للمذاكره ..




عند البنات

ريم .. اووووف طفشششش وش رايكم نطلع ؟!

دخلت ندى وفتحت الباب بقووه /

الحقوا الحقوا ..

البنات : وش فيك ؟!

قالت لهم ندى السالفه وتحمسوا البنات للفكره !

وراحوا كلمو اهلهم وقالوا لهم نفس الكلام ..

ووافقوا وقالو في نهايه اليوم بشوف المكان الي تقعدون فيه ..

هيفاء : وين نروح له يالفالحه ؟!

ريم : اي شي !

ندى : ومن الي بيودينا ؟؟

ريم : دقيقه ابدق على نواف !

خذت الجوال وبدت تدق ..

ريم : الو هلا اخوي حبيب قلبي .. اخبارك ؟

نواف : الدعوه فيها حبيب قلبي هاه .. وش تبين ؟!

ريم : تكفى من زمان ماطلعنا وودنا نطعل نتمشى او اي شي !

نواف : اقوووول مع السلآمه ماعندي شغل الا انتم !

ريم : اففففففففف منك .. مع السلآمه ..!

البنات : هاه وش قال ؟!

ريم : معيي يقول ماعندي شغل الا انتم !!

اروى : طيب دقي على يزيد ؟!

ريم : أوكي نحاول ..

دقت على يزيد ..

يزيد : اللوووووو ؟

ريم : هلا يزيد وشلونك مشتاقه لك !

يزيد : الي يشوفك يقول ماشافتني من 6 سنين ..! 24 ساعه قدام وجهك !

ريم : لا بس مشتاقه لك .. اقول زيزو .. معليش تطلعنا نتمشى ؟!

يزيد : وين بتروحون ؟

ريم : اي شييييي اهم شي نطلع !

يزيد : طيب من بيجي ؟!

ريم : كلنا ..

يزيد : اهاا اوكي يالله انا ابطلع اششغل السياره !

ريم : ياحووووووبيلك ياخوي .. يالله هذانا جاينك !

يزيد : سلآم !

ريم : سلآم !

.
.

ركبو السياره ماكفتهم لان نواف بيجي معهم ووائل وفهد ! <-- حشى !

لذلك قررو يآخذون الجمس حق جدهم ويروحون به ازين لهم ..!




ركبو الجمس .. وكفاهم ومشوا وطبعا نواف الي يسوق والعيال 4 انفار قدام

يعني انواع المعارك الدمويه الي بتصير قدام .. وخطر بعد مايجي عنتر ويطب علينا <-- بلا سماجه تكفى

المهم ركبو السياره .. ومشو !

نواف : بنات وش تبون ؟!

البنات : مآك لالا فرايديز لالا فيدركرز لالا ابل بيز !!

نواف : خلااااااااااص ! ولا وحده تتكلم أوكي انا ابختار المطعم الي يعجبني !

وراحوا لفرآيديز ..

فالمطعم طلبو العشاء وجاهم

وقعدوا ياكلون ويضحكون ..

وائل اقول بنات سمعتوا اخر نكته ؟؟

يزيد : اقول لاتقعد تقز مهيب علينا ذي

وائل : لا بس اخر نكته ابقولهم ..

يزيد : اخر نكته بس خلو وجهك يمين شوي

وائل : طيب .. يقولكم فيه واحد توه يعرف معنى كلمه فجأأه

دخل البقاله .. قال عطني واحد ببسي وفجأه ميرندا

وفطسسسسسسسسسوا ضحك على انها سخيفه ..

المهم بدا مفعول الحشيش عندهم يبدا ..

صاروا يضحكون على اي شي كانهم سكارى

يزيد : آآآآآآآآآآآآغ ( تغر )

الكل : هههههههههههههههههههههههههههههههههههههههههههههههههه هههه

وآئل عاد رفع رجلهـ بغى يخربها ويطلق شي ثاني

العيال والبنات : لالا واااااااااااااائلووه لا بلييز

وآئل : خلاص رحمتكم

المهم تعشوا وقعدوا ياكلون حلى آيسكريم !

ساره ما اشتهت طلعت

رآحت سارة تغسّل .. وهم قاعدين ..!

ريم : ساره وين ؟

ساره : ابدا بس بروح اغسل ..

ريم : اهااا اوكي ..

راحت ساره يوم وصلت لدورات المياه .. تعرضوا لها 3 شباب .. وقاموا يحارشونها ويستهبلون عليها !

دخلت وماعليها منهم .. يوم قضت طلعت وتلقاهم واقفين قدامها وماتقدر تمشي مافيه مجال ..

الاول / عطيني رقمك وتمشين !

الثاني : لالا تعطيني انا ..

الثالث : وش رايك فيني مو انا احسن منهم

ساره : اقوووول وخرو عني يالي ماتربيتوا (تصرخ )


( عالطاوله )

نواف شاف ان سارة تأخرت وطلع يشوف وينها .. راح لمكان دوره المياه ولاقها عندهم وهم يغازلونها .. راح بسرعه ويمسك الشباب ويتطاق هو وياهم يوم شافوا يزيد ووائل الوضع كذا راحوا معه على طول ..

وفكوهم حقين المطعم وطلع نواف وشعره محيوس ورايح فيه وازرار ثوبه مقطّعه !

يزيد : يالله بنات مشينا ..

البنات / بسكوووووووووت ولا كلمهـ طلعوا وركبو !

فالسياره ..

نواف : ساره انتي متقولين لي وش مقعدك معهم ؟؟ ليه ماناديتيني ؟!

ساره : انا ماقعدت معهم هم الي لاحقوني انا مالي شغل !

نواف : ضحك باستهزاء .. ماشاء الله عليك فاتشه ولا تبين احد يلاحقك !

ساره : عصصصصصصصبت .. انت مااالك دخل تفهم ابوي ما قال لي شي تجي انت تقولي هالكلام !

اروى : ساره خلاص ماعليك منه ..

ساره : ماله دخل فيني عشانه يقول افتشي لا تفتشين مو على كيفه !!

نواف : يعني الحين تصارخين وكان الغلط مني انا مهوب منك !!

ساره : انا ماغلطت انت الي غلطان !!

نواف : ياسلام .. اجل وش مقعدك مع الشباب مابقى الا شيشه وتكمل !!

ساره : اقووول احترم نفسك تفهم !!

نواف : انا محترم نفسي من قبل ما اشوف وجهك !

فهههد : خلاااااااااااااااااااااااااص .. اسكتوا فقعتوا راسي !

{ سكوووووووووووووووووووووووووووت }

ساره ونواف كلل واحد حاقد عالثاني .. وكل واحد يبي ينتقم من الثاني باي طريقه !

وهم فالسياره الجووو كان هااادي ولا نفس تسمع !

يزيد على باله يبي يلطف الجو : وآئل قلنا آخر نكته

الكل ساكت .. ماقال شي .. قال يزيد اسكت معهم بس ولا يكثر

رجعوا للبيت ودخلوا ولا كانه صار شي برا اللهم ساره زعلانه وماتتكلم ..

دخلوا جوا والشباب قعدوا فالملحق ..

يزيد : نواف

نواف قافله معه : نعم ؟

يزيد : وش سالفتك اليوم ترى البنت ماسوت شي !!

نواف : خلاص سكر الموضوع !

يزيد ماوده يشبها مره ثانيه : أوكي !

فهد يبي يغير السالفه باي طريقهـ : اقوول تبون شاهي ؟!

وائل : والله جبتها ياخووي .. الله دق عليهم يجيبون لنا شاهي !

دق فهد على امه : السلآم عليكم يمه ..

ام فهد : وعليكم السلآم ..

فهد : يمه تكفين نبي شاهي باسرع ووقت ..

ام فهد : خلاص فيه واحد توه مخلص نعطيكم اياه بتجيكم اروى تحطه عند الباب وانتم خذوه ..

فهد : طيب يالله فمان الله ..

ام فهد : مع السلامه ..


يزيد : اقول ابي الحمام انا ترا من يوم اننا فالسياره وانا ابي الحمام بس ماقلت شي تقديرا للاخ الي مشعلل الجو ( ياشر على نواف )

نواف عطاه نظره ولف عالجوال ..

طلع يزيد .. وراح الحمام !

وآئل : ايييييييه صح اليوم مباراه برشلونه !!

فهد : ايه ايه صح حط حط عالجزيره سبورت بسرعه !


عند البنات


ندى تطق سارة : اقول قومي طفشت من القعده مع الحريم ..!

ساره ومالها نفس : يالله قومي ..

واشرو للبنات الباقيات وقاموا ..

ندى : اقول جايبهـ معي فيلم حلووو ..

اروى : وش اسمه ..

ندى : وايت ساندي .. روووووعهـ !

هيفاء شغلي ياللهـ وش تحتريين ؟!

شغلوا الدي في دي وقعدوا يناظرون الفلم ..

قاموا هيفاء واروى يتطاقون عالمخده آخر مخده ..

وصراخ وتمعيط شعور فالاخير خذتها اروى ..

توها ماخذتها نادتها امها ..


امها : اروى تعالي ودي الشاهي ..

هيفاء : تفرك يدها .. حررره .. هتيها يالله !

طلع يزيد من الحمام وقعد يغسل ..

طلعت اروى من الباب الي ورى عشان تحط الشاهي عند باب الخيمه ..

حطتهـ ورجعت .. وهي فالطريق ..

طلع يزيد بيروح للخيمه من نفس الممر الي تمشي فيه اروى ..

توه بيطلع يروح للخيمه ويرجع ياخذ بوكه الي نساه عالمغسلهـ ..

ومشت ودخلت جوا ولا حد درى عن الثاني ..

اروى نست البيالات !! خذت البيالات من المطبخ .. وطلعت وتقاابل يزيد في وجهها َ!!!

كل وآحد بلّم .. مايدري وش يسوي .. يزيد مشى بسرعه وطلع وهي واقفه مصنمه ماتدري وش تسوي من الفشيله !!

وجالسهـ تقول في نفسها .. يزيد شافني بشوشتي عقب الطقاق على المخده !!

ويزيد طالع للخيمه يقول : ياربي فيه شي قاعد يصير فيني مدري وشو << حشيش

دقوا على العيال والبنات .. وجو للصاله

قالوا ان المكان الي بيقعدون فيه هو بيت الجد ..

طبعا كل ناس لهم غرفه ..

ويوم السبت ان شاء الله بعد بكره يبدون ينامون عند الجد كلهم !

وبيجتمعون مع بعضهم العيال والبنات وهم متغطين طبعا او متحجبين ..

ويشوفون من يوديهم للجامعه ومن يوديهم للمدرسهـ وكذا !


ويوم جت الساعه 3 رجعو الكل لبيوتهم ..

وصلو البيت ولا واحد يشوف طريقه .. تسدحو فالصاله ونامو

وفي بيت ابو فهد رقو وهم يسحبون رجلينهم وناموا بدون مايغيرون ملابسهم !

.
.


- فكرو فيها .. اسبوعين كامله بلياليها في بيت الجد .. كم موقف بيصير وكم من سالفه بتبدا ؟!

كم قصه عشق بتنشا ؟!

وكم من ناهيهـ وكم وكم وكم .. فكروا فيها .. وموب جايكم الا الي يرضيكم !

نواف وسارة .. كل واحد يدور طريقه ينتقم فيها من الثاني !!

يزيد واروى .. يزيد مايدري وش جاه يحسبه من الروعه .. واروى متفشله لين الحين !!

توقعاتكم للبارت الجاي .. بأنتظآركم ..!



رآآآآيكم بالبارت الاول وتقيمكم من عشره !

10 / ؟؟

منقول