لا تذرفين الدمع

موضوع: لا تذرفين الدمع الأحد أغسطس 23, 2009 8:04 am

السلام عليكم ورحمة الله وبركاته

كيف حالكم إن شاء الله دائما بخير ؟

بدون مقدمات ..

نعود لكم ..

ونصافح قلوبكم .!

مـدخـــــــــل الى القلوب..

لا تذرفين الدمع

دمعك علي غالي

ياناظري والسمع

ياروعه آمالي

****

عشقك يسليني

دام العمر عمرك

وقربك يداويني

والامر هو امرك

القصيده ..

لا تذرفين الدمع في كف مغليك
وأنا كفوفي حالفة ما تخونك

وقت(ن) قضيته والليالي مشابيك
ما ألوم عيني لو تنادي عيونك

وأنا وربي حالف(ن) ما أخليك
والله مقدر ..اقضي العمر دونك

من كثر ما احبك..غديت احلم فيك
أسهر على همسك وأنام بجفونك

لو تطلب عيوني على يديك تاتيك
ياللي قصيدي نابع(ن) من سكونك

تفرق من وصوفك من الغنج والشيك
وكل البنات الغيد مايوصلونك

مسكين منهو في جماله يجاريك
وكذاب من قال النسا يشبهونك

صوتك, حنانك ..ضحكتك مع تعلّيك
جسمك..حلاك ولون شعرك ولونك

أرجوك لا تجزع عسى الرب يحميك
ببقى انا قربك ولو يحرمونك

أطلق عنان الحب في عين غاليك
وأزرع زهر صدقي وشتت ظنونك

تعبت اعزز موقفي في تجافيك
وقدرت انا ارسم صورتي في(ركونك)

انسى همومي لاذكر يوم طاريك
وأغار من غيري ولو يذكرونك

هذا قصيدي اكتبه فيك واشكيك
من نار بعدك ليتهم يتركونك

لا تذرفين الدمع في كف مغليك
وأنا كفوفي حالفة ما تخونك

مشكوووووووور على الموضوع